文章

  • 升小攻略|港大同學會小學升小必看面試攻略

    2024 年 3 月 13 日
  • 教養|幼兒無可避免接觸電子屏幕  日本大學研究: 戶外活動可減低負面效果

    2024 年 1 月 30 日

最新文章

  • 親子活動|免費參觀益力多工場 親身觀看益力多製作流程 了解益生菌小秘密

    2024 年 4 月 12 日
  • 升小攻略|私立小學 啟基學校打造低壓力歡樂校園 雙班主任制功課校內完成

    2024 年 4 月 11 日
校長分享|朋友對你重唔重要? 校長教你認識朋友的三個層次

校長分享|朋友對你重唔重要? 校長教你認識朋友的三個層次

校長分享|朋友對你重唔重要? 校長教你認識朋友的三個層次

2023 年 12 月 2 日專家專教, 陳瑞良校長
2023 年 12 月 2 日專家專教, 陳瑞良校長
355##
355##

朋友對你重唔重要?點解呢?

動物世界裏,有些物種我行我素,好似深海裏的鯨魚,天空上的大麻鷹,仲有曠野上美洲豹,佢哋一向都冇乜朋友。但係人類係群體動物,所以多多少少都有幾個三五知己。

有人認為,有冇朋友都冇乜所謂。但係身體最誠實,試問有邊個年齡層唔需要朋友?你可以忍受自己幾多日唔同人溝通?中國文字好犀利。睇番古代個"朋"字,本身就係天空上有D雀仔(其實係'鳳鳥')成群地飛的意思。即係話"朋"字本身就有三五成群的意思。BB仔出世冇耐就識用對眼睛識朋友,眼仔碌碌,引人注意,阿爸阿媽爺爺嫲嫲公公婆婆姨媽姑姐叔伯甥舅……就成為咗佢哋的人生的第一批朋友。人係好難一個人生活的。你睇:泰山在森林中最好的兩個朋友就係猩猩托托(Terk)與大象丹丹(Tantor);連成日都黯然銷魂的楊過大俠都要搵鵰兄做朋友才可以闖蕩江湖。朋友最可貴嘅,係不分膚色,毋分種族,甚至係身邊的寵物都可以成為你的老友記。就算係宅在家的男仔、女仔,都會識番幾個線上虛擬世界的”朋友”。咁你話朋友重唔重要?

如果你話自己冇朋友,可能係你搵緊,但仲未搵到你心目中的朋友啦。亞里士多德話,朋友係有三個層次架:

1. 膚淺型朋友:因為利益而結合。(即係成日講得閒飲茶,或者有著數就會一齊嗰種Friend)中國人話呢D叫"酒肉朋友"囉。

2. 次等型朋友:因為快樂而結合。(即係吃喝玩樂都會在一起的三五知己,甚至係你青梅竹馬D朋友)嗱,大雄同伴虎、小夫好明顯係呢D啦。(PS:小霸王技安和牙擦仔阿福呀,咪扮唔知係邊個!)

3. 完美型朋友:因為品德而結合。(即係患難見真情嗰D莫逆之交)大家仲記唔記得管寧點解要同華歆割蓆?

人响唔同時候,唔同階段,唔同心情,需要嘅朋友可能會有少少唔同。到底你想要邊種朋友?你搵緊嘅又係邊種?總之,朋友唔駛多,最緊要係"夾"!

撰文: 陳瑞良校長
保良局黃永樹小學校長、香港初等教育研究學會主席

陳瑞良校長

陳瑞良校長

保良局黃永樹小學校長、香港初等教育研究學會主席

朋友對你重唔重要?點解呢?

動物世界裏,有些物種我行我素,好似深海裏的鯨魚,天空上的大麻鷹,仲有曠野上美洲豹,佢哋一向都冇乜朋友。但係人類係群體動物,所以多多少少都有幾個三五知己。

有人認為,有冇朋友都冇乜所謂。但係身體最誠實,試問有邊個年齡層唔需要朋友?你可以忍受自己幾多日唔同人溝通?中國文字好犀利。睇番古代個"朋"字,本身就係天空上有D雀仔(其實係'鳳鳥')成群地飛的意思。即係話"朋"字本身就有三五成群的意思。BB仔出世冇耐就識用對眼睛識朋友,眼仔碌碌,引人注意,阿爸阿媽爺爺嫲嫲公公婆婆姨媽姑姐叔伯甥舅……就成為咗佢哋的人生的第一批朋友。人係好難一個人生活的。你睇:泰山在森林中最好的兩個朋友就係猩猩托托(Terk)與大象丹丹(Tantor);連成日都黯然銷魂的楊過大俠都要搵鵰兄做朋友才可以闖蕩江湖。朋友最可貴嘅,係不分膚色,毋分種族,甚至係身邊的寵物都可以成為你的老友記。就算係宅在家的男仔、女仔,都會識番幾個線上虛擬世界的”朋友”。咁你話朋友重唔重要?

如果你話自己冇朋友,可能係你搵緊,但仲未搵到你心目中的朋友啦。亞里士多德話,朋友係有三個層次架:

1. 膚淺型朋友:因為利益而結合。(即係成日講得閒飲茶,或者有著數就會一齊嗰種Friend)中國人話呢D叫"酒肉朋友"囉。

2. 次等型朋友:因為快樂而結合。(即係吃喝玩樂都會在一起的三五知己,甚至係你青梅竹馬D朋友)嗱,大雄同伴虎、小夫好明顯係呢D啦。(PS:小霸王技安和牙擦仔阿福呀,咪扮唔知係邊個!)

3. 完美型朋友:因為品德而結合。(即係患難見真情嗰D莫逆之交)大家仲記唔記得管寧點解要同華歆割蓆?

人响唔同時候,唔同階段,唔同心情,需要嘅朋友可能會有少少唔同。到底你想要邊種朋友?你搵緊嘅又係邊種?總之,朋友唔駛多,最緊要係"夾"!

撰文: 陳瑞良校長
保良局黃永樹小學校長、香港初等教育研究學會主席

陳瑞良校長

陳瑞良校長

保良局黃永樹小學校長、香港初等教育研究學會主席